Shitet ,Apartament 1+1+Ballkon | 21 DHJETORI ,Tiranë

Në shitje apartament 1+1, i vendosur në zonën e 21 Dhjetorit, në Rrugën Shefqet Musaraj, pranë Ambasadës së Re Kineze. Prona ndodhet në një pozicion mjaft të favorshëm, me akses të shpejtë në rrugët kryesore dhe në afërsi të një game të gjerë shërbimesh, institucionesh dhe faciliteteve të përditshme. Apartamenti pozicionohet në katin e 4-t të një pallati me ashensor, të ndërtuar në vitin 2014, dhe disponon një sipërfaqe bruto prej 58 m². Ka orientim perëndimor, duke mundësuar ndriçim të mirë natyral dhe një atmosferë të këndshme gjatë orëve të pasdites. Prona disponon dokumentacion hipotekor. Ambientet janë rikonstruktuar nga e para, duke përdorur materiale cilësore dhe zgjidhje moderne për një standard të lartë komoditeti. Organizimi i brendshëm përfshin një ambient ndenjeje, dhomë gjumi, tualet dhe ballkon të madh, ndërsa hapësirat karakterizohen nga ndriçim i bollshëm natyral. Rikonstruksioni përfshin parket cilësor, tavane të varura me ndriçim modern, dyer dhe dritare të reja, hidrosanitare inkaso, si dhe instalime elektrike dhe hidraulike tërësisht të rinovuara. Për komfort gjatë gjithë vitit, apartamenti është pajisur edhe me sistem kondicionimi Multi-Split. Falë pozicionit, cilësisë së rikonstruksionit dhe kërkesës së lartë për prona në këtë zonë, apartamenti përbën një alternativë të përshtatshme si për banim personal, ashtu edhe për investim, me potencial për qira afatgjatë ose përdorim në Airbnb.