Momente që mbeten në zemër

Fëmijëria është një nga periudhat më të bukura të jetës. Është koha e lojërave, aventurave dhe kujtimeve që mbeten gjatë ne memorien e gjithsecilit prej nesh. Çdo fëmijë meriton ta ketë shpirtin e mbushur me lumturi e momente të bukura që do e shoqerojnë gjithë jetën ,edhe atëhere kur jeta bëhet e vështirë. Për fëmijët me spektrin e autizmit, bota mund të përjetohet ndryshe. Mënyra se si komunikojnë, ndërveprojnë dhe përjetojnë mjedisin përreth mund të jetë e veçantë për secilin prej tyre. Por përtej çdo gjeje, ata janë fëmijë me dëshira, emocione, dhe ëndrra. Shpesh, janë gjestet më të thjeshta ato që marrin kuptimin më të madh duke krijuar një kujtim të bukur nga i cili ne të marrim nje buzeqeshje ,një shikim dashamirës dhe kaq na mjafton qe të jemi te motivuar pa pasur nevojë per asgjë tjetër.

Në kuadër të një aktiviteti të zhvilluar nga Illyrian Home, dy biçikleta u nisën drejt dy fëmijëve me spektrin autik, duke mbartur me vete diçka më shumë se një dhuratë.Ndoshta një ditë do të bëhen pjesë e një shëtitjeje me familjen, e një pasditeje plot diell, e një aventure të vogël apo e një kujtimi që do të mbetet gjatë në kujtimet e tyre. Sepse fëmijëria ndërtohet pikërisht nga këto momente të vogla, që në sytë e një fëmije mund të bëhen shumë të mëdha. Dhe ndoshta pikërisht këtu qëndron rëndësia e gjesteve. Jo te vlera e asaj që dhurohet, por te emocioni që përcillet dhe te momentet që krijohen.Ndoshta nuk mund të ndryshojmë gjithçka me një gjest të vetëm. Por mund të ndryshojmë një ditë. Mund të sjellim një buzëqeshje. Mund të krijojmë një kujtim.Dhe ndonjëherë, një moment i bukur është gjithçka që duhet për ta bërë një ditë të paharrueshme.