Mbështetje për Familjet në Nevojë gjatë Festave të Fundvitit
Përgjatë festave të fundvitit, Illyrian Home mbështet nismat për familjet në nevojë në komunitetet ku operojmë, si pjesë e vlerave tona për përgjegjësinë sociale.
Festat e fundvitit janë një kohë gëzimi për shumicën e familjeve, por për të tjerat janë periudha sfiduese. Te Illyrian Home, besojmë se përgjegjësia jonë sociale nuk përfundon me marrëdhëniet tona të biznesit — ajo shtrihet edhe në mbështetjen e komuniteteve ku operojmë.
Përgjatë muajve të dimrit, angazhohemi të mbështesim nisma lokale që u vijnë në ndihmë familjeve në nevojë, në bashkëpunim me organizata dhe struktura komunitare në zonat ku kemi prani — Tiranë, Durrës dhe qytete të tjera në zhvillim. Kjo mbështetje merr forma të ndryshme, nga kontributet direkte deri te bashkëpunimi me organizata bamirësie lokale që njohin më mirë nevojat specifike të çdo zone.
Ky angazhim vjen nga bindja jonë se një kompani e suksesshme ka përgjegjësi ndaj komunitetit që e mbështet. Synojmë ta bëjmë këtë një traditë të vazhdueshme, duke rritur ndikimin tonë pozitiv çdo vit.
Më shumë histori
Sepse çdo fëmijë meriton të buzëqeshë
Prej vitesh, IllyrianHome është pranë fëmijëve në Spitalin Onkologjik, duke shpërndarë pako me dhurata dhe duke sjellë momente gëzimi në ditët e tyre. Edhe këtë vit, duam ta vazhdojmë këtë traditë së bashku me donatorë dhe vullnetarë që besojnë se një gjest i vogël mund të bëjë një ndryshim të madh.
Dorjan Sanxhaku
CEO & Founder
Momente që mbeten në zemër
Fëmijëria është koha e lojërave, ëndrrave dhe kujtimeve që na shoqërojnë gjatë gjithë jetës. Për çdo fëmijë, edhe një moment i thjeshtë mund të kthehet në një kujtim të paharrueshëm. Në kuadër të një aktiviteti, Illyrian Home u bë pjesë e një momenti të tillë për dy fëmijë me spektrin autik, duke u dhuruar mundësinë të përjetojnë gëzim, lojë dhe aventura të reja. Sepse vlera e një gjesti nuk matet me atë që jepet, por me emocionin që përcillet dhe kujtimet që mbeten në zemër.
Dorjan Sanxhaku
CEO & Founder
IllyrianHome pranë Jonathan Center
Çdo vit, IllyrianHome zgjedh të jetë pranë kauzave që kanë në qendër njerëzit, solidaritetin dhe një shoqëri më gjithëpërfshirëse.Një prej kauzave që e kemi mbështetur ndër vite është Jonathan Center, një organizatë që punon për mbështetjen dhe zhvillimin e individëve me nevoja të veçanta, me fokus të veçantë te personat me Sindromën Down dhe familjet e tyre. Për ne, kjo nuk është thjesht një pjesëmarrje në një aktivitet. Është një mënyrë për të dhënë kontributin tonë, për të ndërgjegjësuar dhe për të treguar se biznesi mund dhe duhet të ketë një rol edhe në komunitetin ku vepron.Edhe këtë vit, IllyrianHome do të jetë përsëri pjesë e kësaj kauze.Sepse besojmë se një shoqëri më e mirë ndërtohet kur secili prej nesh zgjedh të kontribuojë.IllyrianHomeMbi themele të forta.
Dorjan Sanxhaku
CEO & Founder